كناقوس الكنسيه الوكت من طن
بذاني وحس بالعظمين مطن
شجاهن حتى المچرمات مطن
فگر لو الله قاسملي الاذيه
ـــــــــــــــــــــــــ ـــــــــــــــــــــــــ
الوكت ماله احتفض بالزين بس لاه
واخذ مني الوفي والكلف بسلاه
يرب گمت اشك بالي يصير بس لاه
جدادي مشاركين ويال اميه
ـــــــــــــــــــــــــ ـــــــــــــــــــــــــ
يطيح الما تواضع وجفه خله •
اتركه وبالذنايب وجفه خله •
الردي شتترجه منه وجفه خله •
بصمة عار للذل والرديه
ـــــــــــــــــــــــــ ـــــــــــــــــــــــــ
الما ضابط وزن بالشعر شله
تذمه الناس وتحط بيه شله
اليكتب كون شاعر موش شله
وعبر وذياله خطت بالرديه
ـــــــــــــــــــــــــ ـــــــــــــــــــــــــ
الشاعر عماد الدين الدراجي
07717549123
